Ajab Apna Haal Hota Agar Vasl-E-Yaar Hota,
Kabhi Jaan SadQe Hoti Kabhi Dil Nisaar Hota,
Na Maza Hai Dushmani Mein Na Hai Lutf Dosti Mein,
Koi Gair Gair Hota Koi Yaar Yaar Hota,
Ye Maza Tha Dillagi Ka Ke Barabar Aag Lagti,
Na Tumhe Qaraar Hota Na Hamein Qaraar Hota,
Tere Waade Par Sitamgar Abhi Aur Sabr Karte,
Agar Apni Zindagi Ka Hamein Aitbaar Hota...
No comments:
Post a Comment