Humse Badal Gaya Wo Nigahein To Kya Hua

Humse Badal Gaya Wo Nigahein To Kya Hua, 

Zinda Hai Kitne Log Mohabbat Kiye Bagair, 

Guzre Dino Mein Jo Kabhi Goonje The Kehkahe, 

Ab Apne Ikhtiyar Mein Wo Bhi Nahi Rahe,

Kismat Mein Reh Gayi Hai Jo Aah To Kya Hua, 

Sadma Ye Jhelna Hai Shikayat Kiye Bagair, 

Wo Samne Bhi Ho To Na Kholenge Hum Zubaan, 

Likhi Hai Uske Chehre Pe Apni Hi Daastan, 

Usko Taras Gayi Hai Baahein To Kya Hua, 

Wo Laut Jaaye Hum Pe Inaayat Kiye Bagair, 

Pehle Qareeb Tha Koi Ab Dooriyan Bhi Hai, 

Insaan Ke Naseeb Mein Majbooriyan Bhi Hai, 

Apni Badal Chuka Hai Wo Raahein To Kya Hua, 

Hum Chup Rahenge Usko Malaamat Kiye Bagair...