Har Baat Yahan Baat Badhane Ke Liye Hai

Har Baat Yahan Baat Badhane Ke Liye Hai, 

Ye Umar Jo Dhoka Hai To Khaane Ke Liye Hai, 

Ye Daaman-E-Hasrat Hai Wahi Khwaab-E-Gurezaan, 

Jo Apne Liye Hai Na Zamane Ke Liye Hai, 

Utre Hue Chehre Mein Shikayat Hai Kisiki, 

Roothi Hui Rangat Hai Manane Ke Liye Hai, 

Gaafil Teri Aankhon Ka MuQaddar Hai Andhera, 

Ye Farsh To Raahon Mein Bichhane Ke Liye Hai, 

Ghabra Na Sitam Se Na Karam Se Na Ada Se, 

Har Mod Yahan Raah Dikhane Ke Liye Hai...