phir kuchh is dil ko beqaraarii hai

phir kuchh is dil ko beqaraarii hai
siinaa zoyaa-e-zaKhm-e-kaarii hai


phir jigar khodane lagaa naaKhun
aamad-e-fasl-e-laalaakaarii hai


qiblaa-e-maqsad-e-nigaah-e-niyaaz
phir vahii pardaa-e-ammaarii hai


chashm-e-dallal-e-jins-e-rusavaaii
dil Khariidaar-e-zauq-e-Khvaarii hai


vahii sad_rang naalaa farsaaii
vahii sad_guunaa ashq_baarii hai


dil havaa-e-Khiraam-e-naaz se phir
mahashristaa.N-e-beqaraarii hai


jalvaa phir arz-e-naaz karataa hai
roz-e-baazaar-e-jaa.N_supaarii hai


phir usii bevafaa pe marate hai.n
phir vahii zindagii hamaarii hai


phir khulaa hai dar-e-adaalat-e-naaz
garm baazaar-e-fauj_daarii hai


ho rahaa hai jahaa.N me.n a.Ndher
zulf kii phir sarishtaa_daarii hai


phir diyaa paaraa-e-jigar ne savaal
ek fariyaad-o-aah-o-zaarii hai


phir hue hai.n gavaah-e-ishq talab
ashq_baarii kaa hukm_zaarii hai


dil-o-mizshgaa.N kaa jo muqadamaa thaa
aaj phir us kii ruub_qaarii hai


be_Khudii be_sabab nahii.n 'Ghalib'
kuchh to hai jis kii pardaadaarii hai