Kia Karo Ab Koee Bhi Acha Nahi Lagta Mujhay
Tu Bhi Pehlay Ke Tarah Apna Nahi Lagta Mujhay
Ab Teri Baatay Meray Dil Main Utarti He Nahi
Tu Wahi Hai Per Tera Lehja Nahi Lagta Mujhay
Tou Tu Ab Aadhay Badan Say Sath Chalta Hai Meray
Teray Shanoo Pay Tera Chera Nahi Lagta Mujhay
Tu Kabhi Taqseem Karta Tha Hawaeen Chaar Soo
Ab Taray Paas Ak Jhonka Nahi Lagta Mujhay
Ab Lefafay Say Teri Khushboo Nahi Aati Mujhay
Khat Bhi Teray Haath Ka Likha Nahi Lagta Mujhay
No comments:
Post a Comment