Kisi Ko Apna Keh Kar Phir Ussey Tanha Nahin Karna
Ye Ruswaai Hai Apneypan Ki Tum Aisa Nahin Karna
Shararey Phir Shararey Hain Tujhey Bhi Raakh Kar Dein Gey
Mairey Humdum Shararon Say Kabhi Khaila Nahin Karna
Mohabbat Mein Nahin Dastoor Shikwey Aur Shikayat Ka
Gila Kar Ke Mohabbat Ko Kabhi Ruswa Nahin Karna
Kahin Aisa Na Ho Woh Na-samajh Gumrah Ho Jaaye
Kisi Ka Saath Rastey Mein Kabhi Chorra Nahin Karna
Ye Na Ho Uss Ki Yaadein Rooh Ka Sartan Ban Jayein
Kabhi Had Say Ziyada Tum Ussey Socha Nahin Karna
Mohabbat Jiss Ko Kehtey Hain Woh Ikk Be-los Si Shai Hai
Siley Ki Aarzoo! Toba 'Sarosh' Aisa Nahin Karna …!
No comments:
Post a Comment