Tuesday, July 27, 2010

Koi To Guftagoo Karoo Shaam Bahut Udaas Hai


Koi To Guftagoo Karoo, Shaam Bahut Udaas Hai
Tum Meray Pass Hi Raho, Shaam Bahut Udaas Hai

Kuch Bhi To Bolte Nahi, Khauf Ye Todte Nahi
Main Ne Kaha Zara Suno, Shaam Bahut Udaas Hai

Mujh Se Na Tum Miloge Magar, Mujh Se Na Kuch Kaho Magar
Shaam Se Aa Kar Kuch Kaho, Shaam Bahut Udaas Hai

Dekho Bahut Hai Ranjeeda, Umar Rawa Ki Dastan
Is Mein Na Aur Dukh Bharo, Shaam Bahut Udaas Hai

Itna Hai Iztiraab Kyon, Karb Mein Hain Janab Kyon
Milna Hai Gar To Aa Milo, Shaam Bahut Udaas Hai

Mana Ke Tum Khafa Nahi, Kehne Ko Kuch Bacha Nahi
Achha Sa Sher Hi Parho, Shaam Bahut Udaas Hai

Koi Nahi Idhar Udhar, Sare Khamosh Bam-O-Dar
Kisse Kahein Dua Karo, Shaam Bahut Udaas Hai

Kuch To Ilaaj-E-Gum Karo, Sabr-E-Khasta Jaan Suno
Aaj Kisi Ko Khatt Likho, Shaam Bahut Udaas Hai

No comments:

Popular Posts