Kabhi izhar lafzoon ka bhi acha nahin lagta
kabhi iqrar jazbon ka bhi acha nahin lagta
Kabhi laraztay hont bhi kai raz khol daitay hain
kabhi dil ki darhkan main tera hi nam bajta hai
Kabhi kisi takleef main bhi hum khushian manatay hain
kabhi jo yad ayay tau khushiyoon main bhi ansoo bahatay hain
Kabhi pahroon tumhain soch kar muskaratay hain kabhi
samnay anay par hum chahra chupatay hain
Kabhi dil yeh chahta hai kay tum door na jao
magar jab pas atay ho to hum door jatay hain
Kabhi zara si bat par hum tum say rooth jatay hain
kabhi dil ki khwahish par hum tum ko manatay hain
Dunya kay har mozoo par tum say bat rahti hai magar
kabhi ankhoon main daikho to hum palkain jhukatay hain
No comments:
Post a Comment