Kabhi teri rafaqat se nikalna hi nahi mumkin
Kabhi daaman chura lena bohat asaan lagta hai
Kabhi tum roothay ho to ajab mushkil si parti hai
Kabhi tujh ko mana lena bohat asaan lagta hai
Kabhi samjha karo kuch faislay halaat karte hain
Kabhi waaday nibha lena bohat asaan lagta hai
Kabhi kuch din tumhare bin guzarte hi nahin lekin
Kabhi muddat bita dena bohat asaan lagta hai
No comments:
Post a Comment