Jo Na Badla Tha Kabhi Us Ko Badaltay Daikha
Gham Mujhay Day Kay Usay Haath Bhi Maltay Daikha
Aaj Tak Mil Na Saki Showq.o.Talab Ki Manzil
Kab Say Duniya Ko Isi Raah Pay Chaltay Daikha
Barh Kay Ik Owr Zamaanay Nay Laga Di Thokar
Jab Kisi Dard Kay Maaray Ko Sanbhaltay Daikha
Aik Ik Mowj Pay Saahil Ko Rahi Us Ki Talaash
Jis Ko Toofaan Ki Aaghosh Mai'n Paltay Daikha
Jab Hansi Aai Muqaddar Say Mairay Honto'n Pay
Aansuo'n Ko Bhi Usi Waqt Nikaltay Daikha
Ru'Baroo Un Kay Háya Woh Maira Josh-e-Girya
Ik Samander Tha Jo Aankho'n Say Ubaltay Daikha
No comments:
Post a Comment