Tuesday, April 20, 2010

Us ney poocha

Us ney poocha!!!!!

Us ney poocha
Haath ki Lakeeroon per hai Yaqeen tumhara?
Maine kaha bas thora thora
Wo bola, dikhlana to tehreer hai kiya haathoon per tumharay...?
Maine kaha chor do janay do
Kiya rakha hai in baatoon mai
Us ne jab israar kiya to
Maine mutthee khool dikhai
Us ne haath ko thama' daikha aur ye bola
"Cross" bahut hain zaida is per
Waisay qismat buree naheen hai
Haath chura ker mai ye bolee
Sach kehtay ho yunhee hoga
Tab wo aahista se bola
Sach poochoo to,mainay to sab jhoot kaha hai
Qismat k is ilm se mai bhee na waqif hoon
Maine to bas haath tumhara choona chaha....!!

No comments:

Popular Posts