Woh ke jo saath nibhaanay ki qasam laiay thay

Woh ke jo saath nibhaanay ki qasam laiay thay
Kaisay woh saari wafaao'n ki rasam torr chalay


Hum nay barsaat mai'n , mee'n maang ke kyaa paap kiya?
Chal paree aisee hawaa, abr hee rukh morr chalay


Ab mere saath, un ki yaad, un ki soochai'n hai'n
Aay koee aisee hawaa, in kaa bhee rukh morr chalay


Hum isi sooch mai'n baithay rahay yun saari umar
Un k dil per bhee kabhi kaash apnaa zorr chalay


Tuhfaa tanhaa'iyo'n ka de ke wo muskaay bhee thay
Bazm ko aag lagaa ker wo kahi'n aur chalay


Kon, kab kis ki khataa'on ko muaaf kertaa hai
Hum bhee ab un ki khataa'on ki ridaa orhh chalay


Zoorr to aaj bhee is dil nay lagaayaa hai bohot
Per sanam aaj tera shehr-e-wafaa chorr chalay


Aao, risht'n kaa bharam torrnay waalo , daikho
Dair se hee sahee, hum aaj , sahee aur chalay


Raah chaltaa huaa shayad koee bhoolaa bhatkaa
Qissa-e-ghum jo sunaa'ay to kahi'n aur chalay


majmaa-e-zoq kahai'n yaa ke tamaashaa faysal
daad de ker sabhi phir bazm apni chorr chalay