Baad muddat issey dekha logo
Woh zara bhi nahi badla , logo
Khush na tha, mujhse bicchar kay woh bhi
Uske chehre per likha tha , logo
Uss ki ankhein bhi kehay deitiin thiin
Raat bhar woh bhi na soya, logo
Ajnabi ban kay jo guzra hai abhi
Tha kissi waqt main apna, logo
Dost tu khair koi kis ka hai?
Iss ne dushman bhi na samjha , logo
Raat woh dard mere dil mein utha
Subha tak chain na aya , logo
Pyass sehraon ki phir taiz huwi
Abr phir toot kay barsa, logo
No comments:
Post a Comment