Niyaaz-o-naaz ke jhagaDe miTaaye jaate hain
Ham un men aur vo ham men samaaye jaate hain
Ye naaz-e-husn to dekho ki dil ko taDapaakar
Nazar milaate nahiin muskuraaye jaate hain
Mere junuun-e-tamannaa kaa kuchh Khayaal nahiin
Lajaaye jaate hain daaman chhuraaye jaate hain
Jo dil se uThate hain shole vo ang ban ban kar
Tamaam manzar-e-fitarat pe chhaye jaate hain
Main apanii aah ke sadaqe ki merii aah men bhii
Terii nigaah ke andaaz paaye jaate hain
Ye apanii tark-e-muhabbat bhii kyaa muhabbat hai
Jinhen bhulaate hain vo yaad aaye jaate hain
No comments:
Post a Comment