kabhi saya hai kabhi dhoop muqaddar mera
hota rehta hai yunhi qarz barabar mera
toot jate hain kabhi mere kinare mujh main
doob jata hai kabhi mujh main samandar mera
kisi sehra main bichhar jayenge sab yaar mere
kisi jungle main bhatak jayega lashker mera
baawafa tha to mujhe poochhne wale bhi na thay
bewafaa hun to hua naam bhi ghar ghar mera
kitne hanste hue mausam abhi aate lekin
aik hi dhoop ne kumhla diya manzar mera
No comments:
Post a Comment