Khizan Ke Mausam Se Gulab Maang Raha Hai,
Phir Apne Liye Koi Azab Maang Raha Hai,
Jaan Mangta To Main Zara Taghaful Na Karta,
Magar Wo Mujhse Mera Khwab Maang Raha Hai,
Ata Kar Ke Mere Zeest Ko Hijr Ki Aziyatein,
Aur Mujhse Visaal-E-Rut Ke Hisab Mang Raha Hai,
Khatayein Karna Hi Raha Mashghala Uska,
Main Kya Dun Sila Use Wo Sawab Mang Raha Hai,
Apni Samajh Mein Uski Guftagu Bhi Nahi Aati,
Aur Wo Ankahe Sawalon Ke Jawab Mang Raha Hai,
Mujhko Apne Wajood Pe Bhi Dastaras Nahi Hasil,
Aur Dil-E-Nadan Hai Mehtaab Mang Raha Hai,
Koi Zindagi Se Ghabra Gaya Is Kadar,
Kashti Ka Musafir Hai Aur Gardaab Mang Raha Hai...
No comments:
Post a Comment