Sunday, July 18, 2010

Khwab Aankhonse Ab Koi Chura Kar Le Jaye


Khwab Aankhonse Ab Koi Chura Kar Le Jaye,
Qabar Se Sukhe Hue Phool Utha Kar Le Jaye,

Muntazir Phool Mein Khushbu Ki Tarah Hoon Kabse,
Koi Jhonke Ki Tarah Aaye Uda Ke Le Jaye,

Ye Bhi Pani Hai Magar Aankh Ka Aisa Pani,
Jo Hatheli Se Rahi Mehandi Chura Ke Le Jaye,

Main Mohabbat Se Mehekta Hua Khat Hoon Mujhko,
Zindagi Apni Kitabon Mein Chhupa Kar Le Jaye,

Khaak Insaaf Hai Nabeena Buton Ke Aage,
Raat Thali Mein Charagon Ko Saja Kar Le Jaye,

Unse Kehna Ke Main Paidal Nahi Aane Wala,
Koi Baadal Mujhe Kaandhe Pe Bitha Kar Le Jaye...

No comments:

Popular Posts