Wednesday, May 5, 2010

Jab agley saal yeh waqt aa raha ho ga

Jab agley saal yeh waqt aa raha ho ga,
Yeh kon janta hai kon kis jaga ho ga,  

Tu mere saamney betha hai aur mein sochta hoon,
Ke atey lamhon mein jeena bhi ek sazaa ho ga, 

Yehi damaktey huye pal dhuwan dhuwan hon ge,
Yehi chamakta hua din bhujha bhujha ho ga, 

Lahoo rulaey ga woh dhoop chaon ka manzar,
Nazar uthaoon ga jis simat jhat pata ho ga, 

Yehi jaga jahan aaj mill ke bethey hain,
Isi jaga par khuda jane kal kiya ho ga, 

Bicharney walley tujhe dekh ker sochta hoon,
Tu phir milley ga to kitna badal gaya ho ga

No comments:

Popular Posts