Mumkin Ho Aap Say To Bhula Dijiye Mujhe

Mumkin Ho Aap Say To Bhula Dijiye Mujhe
Pathar Pay Hon Lakeer, Mita Dijiye Mujhe

Har Roz Mujh Say Taaza Shikayat Hai Aap Ko
Mai Kia Hon, Aik Baar Bata Dijiye Mujhe

Merey Siwa Bhi Hai Koi Mozoo-e-Guftugu
Apna Bhi Koi Rang Dikha Dijiye Mujhe

Mai Kia Hon, Kis Jagah Hon, Mujhay Kuch Khabar Nahi
Hain Aap Kitnay Duur Zara Sada Dijiye Mujhe

Ki Mai Nay Apnay Zakham Ki Tash'heer Jaa Baja
Mai Maanta Hon Jurm, Saza Dijiye Mujhe

Qaim To Ho Sakay Koi Rishta Gohor K Saath
Gehray Samandaron Mai Baha Dijiye Mujhe

Shab Bhar Kiran Kiran Ko Tarasnay Say Faida
Hai Tairgii To Aag Laga Dijiye Mujhe

Jaltey Dinon Mei Khud Pass-e-Deewar Baith Kar
Saaye Ki Justaju Mein Laga Dijiyey Mujhe

Yon To Shola-e-Jaan Sard Ho Chuka
Likin Sulag Uthoon To Hawa dijiye Mujhe