Wednesday, May 5, 2010

Woh anna parast sahi uss ke baaton mein iqrar bhi tha

Woh anna parast sahi uss ke baaton mein iqrar bhi tha
Uss ke chubte huwe lahje mein chupa pyar bhi tha

Woh Mujhe likta tha muntzir na rehna lekin
Uss ke tehreer mein saadiyon ka intizar bhi tha

Woh kehta hai ke mat rootho ke manana nahi atta
Mere naragi pe lekin woh beqarar bhi tha

Woh shayad phir na likta usay apni khabar lekin
Dosti ka bharam rakhna tha,kuch dil beikhtiyar bhi tha

Shayad yehi uss ka andaz-e-mohabbat ho faysal
Woh Mera humdam bhi tha aur sitam shiyar bhi tha

No comments:

Popular Posts