Chalo Ab Faisla Kar Lo Ke Jo Apni Mohabbat Thi

Chalo Ab Faisla Kar Lo,
Ke Jo Apni Mohabbat Thi,
Nasha Tha Wo Jawani Ka,
Khumar Utra To Yeh Jaana,
Mohabbat Yun Nahi Hoti,
Jo Maine Khwab Dekhe The,
Ab Inki Kirchiyan Hi Hai,
Aur Zakhmin Paanv Hai Mere,
Tumhara Humqadam Rehna,
Mujhe Mumkin Nahi Lagta,
Tumhare Aur Mere Darmiyan,
Koi Deewar Hai Shayad,
Ye Hargiz Gir Nahi Sakti,
Tumhe Wo Log Pyaare Hai,
Jo Mujhko Zeher Lagte Hai,
Magar Ab Mod Aisa Hai,
Jahan Itne Mukhalif Hai,
Tumhe Ye To Pata Hoga,
Mukahluf Simt Chalne Se,
Kabhi Manzil Nahi Milti,
To Phir Kyon Waqt Khote Ho,
Chalo Faisla Kar Lo...