Tasveer Ne Phir Mujhko Dikhaya Wohi Lamha

Tasveer Ne Phir Mujhko Dikhaya Wohi Lamha,
Ye To Wohi Lamha Hai Khuda Ya, Wohi Lamha,

Aankhein Hain Kisi Manzar Gum Gashta Ki Zad Mein,
Maazi Se Mujhe Dhoondta Aya Wohi Lamha,

Wo Jisko Bhulane Mein Kayi Saal Lage The,
Ek Lamha Gaflat Mein Dar Aaya Wohi Lamha,

Bikhre The Mere Samne Yaadonke Nagine,
Heere Ki Tarah Chunke Uthaya Wohi Lamha,

Jugnoo Ki Tarah Hai Mere Atraf Mein Lekin,
Dhoonda To Kabhi Haath Na Aya Wohi Lamha...