Dil Toota Marzi-E-Mehboob Se Ki Usne Koi Khata Nahi,
Hairat Hai Tabassum-E-Yaar Par Ke Jise Kuch Hua Nahi,
Yahan Sehra Se Samundar Phootte Hai Kuch Phool Murjhaye Bahar Mein,
Kya Gila Mujhe Yaar Se Use To Kuch Pata Nahi,
Main Roothna Bhi Chahun To Rooth Na Sakunga,
Main Chhodun Use Kis Tarah Mera Koi Uske Siwa Nahi,
Wo Samoya Mujh Mein Is Tarah Ke Mujhe Aap Yaad Nahi,
Main Itna Door Reh Kar Bhi Ek Pal Bhi Usse Juda Nahi,
Khizan Mein Dhoond Ke Bikhre Phool Uski Raah Mein,
Jis Ajnabi Ki The Talash Mein Hum Wo Gharse Hi Chala Nahi...
No comments:
Post a Comment