Sochta Hoon Ke Use Neend Bhi Aati Hogi

Sochta Hoon Ke Use Neend Bhi Aati Hogi,
Ya Meri Tarah Faqat Ashq Bahati Hogi,

Wo Meri Shakl Mera Naam Bhulne Wali,
Meri Tasveer Se Kya Aankh Milati Hogi,

Is Zameenpe Bhi Hai Sailab Mere Ashqon Se,
Mere Maatam Ki Sada Arsh Hilati Hogi,

Shaam Hote Hi Wo Chaukhat Pe Jala Ke Shammayein,
Apni Palkon Pe Kayi Khwab Sulati Hogi,

Usne Silwa Bhi Liye Honge Siyaah Rang Libaas,
Ab Moharram Ki Tarah Eid Manati Hogi,

Jab Bhi Zulfon Mein Koi Phool Sajati Hogi,
Mere Tareek Zamanon Se Nikalne Wali,

Roshni Tujhko Meri Yaad Dilati Hogi,
Dilki Masoom Ragein Khud Hi Sulagti Hoggi,

Joon Hi Tasveer Ka Kona Wo Jalati Hogi,
Roop De Kar Mujhe Us Mein Kisi Shehzade Ka,
Apne Bachhon Ko Kahani Sunati Hogi...