Teri Talash Mein Hum Jab Kabhi Nikalte Hain,
Ek Ajnabi Ki Tarah Raaste Badalte Hain,
Daraaz Ho Gam-E-Hijraan Ki Haasil-E-Hijraan,
Wo Hausle Hai Jo Aagosh-E-Gam Mein Palte Hain,
Rawa Nahi Hai Gam-E-Ishq Is Kadar Bhi Gurur,
Tere Bagair Bhi Duniya Ke Kaam Chalte Hain,
Kabhi Jo Had Se Badhi Unki Yaad To Samjhe,
Ke Unke Dil Mein Bhi Kuch Valvale Machalte Hain,
Shab-E-Firaaq Kuch Aisi Bhi Teergi To Nahi,
Kabhi Kabhi Sar-E-Mizgaan Charag Jalte Hain,
Ab Unke Gam Se Bhi Mehroom Ho Na Jaye Kabhi,
Wo Janate Hai Ke Is Gam Se Dil Behelte Hain...
No comments:
Post a Comment