Chandni Raat Ke Haathon Pe Sawar Utri Hai

Chandni Raat Ke Haathon Pe Sawar Utri Hai,
Koi Khushbu Meri Dehleez Ke Paar Utri Hai,
Ismein Kuch Rang Bhi Hai Khwaab Bhi,
Khushbuyein Bhi,
Is Khushbu Mein Kayi Dard Bhi,
Afsaane Bhi,
Mere Aanchal Pe Ummidon Ki Qataar Utri Hai,
Koi Khushbu Meri Dehleez Ke Paar Utri Hai,
Is Khushbu Se Kisi Aur Ke Dar Lipte Hai,
Mere Pairon Se Lipti To Safar Lipte Hai,
Ab Kisi Taur Palat Kar Nahi Jaane Deti,
Meri Dehleez Bulati Hai Mujhe Laut Aao,
Laut Aao, Laut Aao,
Yehi Khushbu Mujhe Wapas Nahi Aane Deti,
Ranj Aur Dard Mein Doobi Bahar Utri Hai,
Chandni Raat Ke Haathon Pe Sawar Utri Hai...