Aaj Phir Wahi Shabd Mann Mein Uchhal Pada Tha

Aaj Phir Wahi Shabd
Mann Mein Uchhal Pada Tha,
Hriday Gati Mein Thehrav Aakar,
Kaleja Phatne Laga Tha,
Aisa Shabd Aksar Mujhe
Vichlit Karta Hai
Jisse Mera Dar
'Dahej' Ke Naam Se Jaanta Hai,

Yehi Wo Shabd Tha
Jo Aaya Tha Do Saal Pehle Bhi
Aur Le Gaya Tha Meri Phool Si Beti Ko
Apne Sath Paalki Mein Sajakar,
Aaj Wohi Drishya Phir Mere Samne,
Tayyar Khada Hai
Magar Poonji Ka Pitara Mera,
Khali Hai Kisi Bartan Ki Tarah,

De Sakta Hoon To Bas,
Apne Maathe Par Pade Baalon Ko
Safed Padte Baalon Ko
Chehre Ki Shikan Ko Aur
Pathrayi Aankhon Ke Sukhte Aansuon Ko
Isse Jyada Nahi De Paunga Kuch
Bachana Hai Mujhe
Apni Sukhti Hui Chamdi Ko
Ek Aur Phool Ko Vida Karne Ki Khatir...