Mohabbat Ke Jahan Mein Roshni Ka Saaz Bajta Hai,
Hawaon Mein Chameli Ka Abhi Andaz Sajta Hai,
Hatheli Se Tumhare Naam Ki Khushbu Nahi Roothi,
Hamare Haath Se Ummid Ki Tasbeeh Nahi Chhuti,
Abhi To Khwab Ki Taqdeer Mein Marna Nahi Likha,
Hamari Qismaton Ne Hijr Ka Koi Panna Nahi Likha,
To Phir Ye Kaise Mumkin Hai Ke Hum Dono,
Ana Ke Wajbi Se Khol Mein Mehsoor Ho Jaye,
Khudi Ke Hathon Kuch Is Tarah Majboor Ho Jaye,
Ke Aankhon Par Faqt Nafrat Ka Pehra Ho,
Hamare Aur Tumhare Darmiyan Sirf Dard Thehra Ho,
Dilon Ki Waadiyon Mein Tishnagi Hi Gashat Karti Ho,
Tareeki Hamara Aur Tumhara Bekhat Karti Ho,
Kaho Jaana! Kya Tumhe Aisa Nahi Lagta,
Ke Ana Ko Raste Mein **** Dena Hi Munasib Hai,
Kyon Ke Abhi To Khwaab Zinda Hai...
No comments:
Post a Comment