Gaye Mausamon Ke Haath Ye Paigam Humne Bheja Tha

Gaye Mausamon Ke Haath Ye Paigam Humne Bheja Tha,
Kab Apni Chahat Nibhaoge, Laut Ke Tum Kab Aaoge,

Chiraag-E-Dil Jala Rakha Hai Tere Intezaar Mein,
Meri Rooh Ko Sukoon De Jaoge Laut Ke Tum Kab Aaoge,

Dekh Lata Hai Meri Nazron Mein Har Koi Tera Aqs,
Kab Mujhe Khudse Milaoge, Laut Ke Tum Kab Aaoge,

Sitaare Toot Ke Girte Hai Tere Aangan Mein Har Shab,
Unhe Meri Maang Mein Bhar Jaoge, Laut Ke Tum Kab Aaoge,

Har Lamha Teri Muntazir Rehti Hai Ye Nigahein,
Mere Khwaab Tumhi Sajaoge, Laut Ke Tum Kab Aaoge,

Maana Ke Des Paraya Hai Par Khud Ko Sambhale Rakhna,
Saraab Ko Chhod Na Paoge, Laut Ke Tum Kab Aaoge...