Monday, July 12, 2010

Rezah rezah hogaya hai, aeena



Rezah rezah hogaya hai, aeena
aks phir bhi dey raha hai, aeena


har nazar ke baad hota hai, aeena
yeh tu koi doosra hai, aeena


aks hai ya aks ka ehsaas hai
kash makash mein mubtla hai, aeena


janey kaisey,in ke, merey darmiyaan
ek talaqaat ban gaya hai, aeena


mujhko, mujh par munkashaf kaisey karey
khudko kitna janta hai, aeena


kon apney aap se hai, hum kalaam
jagmagaata jaraha hai, aeena


goom hoey hain, atibaaraat-e-nazar
dhoop mein rakha howa hai, aeena

No comments:

Popular Posts