Tuesday, July 13, 2010

Aa tehri jab barsaat tu palkain bheeg gaien


Aa tehri jab barsaat tu palkain bheeg gaien
Roee jab bhi raat tu palkein bheeg gaein

Aankhoon ko jab gehri kaali barkha ki
Sonp gya soghaat tu palkein bheeg gaein

Apnay bhi jab chor kay wapas paltay thay
Thaama us nay haath tu palkein bheeg gaein

Yu'n tu har nuqsaan pay haavi zabt raha
Bikher gai jab zaat tu palkein bheeg gaein

Phelay tu aankhoon main hairat tehri thi
Smajh main aai baat tu palkein bheeg gaein

Baat bichernay per hi khatam nahi hoti
Chala jo koi saath tu palkein bheeg gaein

Har ilzaam ko sehnay ka koi ehad tu tha
Aur chairi jab baat tu palkein bheeg gaein

No comments:

Popular Posts