Wednesday, July 14, 2010

Aalam na poochiye jo hamaara hai aaj kal



Aalam na poochiye jo hamaara hai aaj kal
Kashti bhanwar may door kinaara hai aaaj kal



Tere hi ghum ka dil ko sahara hai aaj kal
Bekaif zindagi bhi gawaara hai aaj kal



Allah re inqalaab ke ek baada’ khwaar ka
Do chaar aansoonwon pe guzaara hai aaj kal



Yeh daur-e-mahtaab yeh rang-e-shab-e-bahaar
Fitrat ne gaisoowon ko sanwaara hai aaj kal



Ek baar keh ke phir yeh zabaan se na keh sakey
Hum jiss ke hogaye, woh hamaara hai aaj kal



Baqi raha tha zinda dilon mein bas
Woh bhi ghum-e-firaaq ka maara hai aaj kal. 

No comments:

Popular Posts