Wednesday, July 14, 2010

Kab tak dil kii khair manayen kab tak raah dikhaao gay



Kab tak dil kii khair manayen kab tak raah dikhaao gay
Kab tak chain kii mohlat do gay kab tak yaad na aao gay

Biitaa deed ummeed ka mousam khaak urrtii hai ankhon main
Kab bhaijo gay dard ka baadal kab barkhaa barsaao gay

Ehd-e-wafaa aur tark-e-muhabbat jo chaaho so aap karo
Apnay bus kii baat hii kyaa hai hum say kya manwaao gay

Kiss nay wasl kaa suuraj dekha kiss peh hijr kii raat dhalii
Gesuuon waalay kon they, kya thay, unko kya jatlaao gay

Faiz dilon key bhaagh main hai ghar basnaa bhii lutt jana bhiii
Tum uss husn key lutf-o-karam peh kitnay din itraao gay

No comments:

Popular Posts