Wednesday, July 14, 2010

Tujh ko darya dili ki qasam saaqiya


Tujh ko darya dili ki qasam saaqiya
Mus'taqil daor par daor chalta rahe'
Raonaq-e-mai'kada yuuN hi baRhti rahe'
Aik girta rahe' ik sambhalta rahe'
Sirf shabnam hi sehan-e-gulistaaN nahi
Shaola-o-gul ka bhi daor chalta rahe'
Ashk bhi chashm-e-pur'nam se behte' raheiN
Aor dil se dhuaaN bhi nikalta rahe'
Tere' kabze' ma hai ye nizaam-e-jahaaN
Tu jo chaahe' to sehara bane' gulistaaN
Har nazar par teri phool khilte' raheiN
Har ishaare' pe maosam badalta rahe'
Tere' chehre' pe ye zulf bikhri huii
Neend ki god ma subha nikhri huii
Aor is par sitam ye adaayeiN teri
Dil ye aakhir kahaaN tak sambhalta rahe'...!!!

No comments:

Popular Posts