Ajab pagal c larki hai

Ajab pagal c larki hai
Mujhay Her Khat Main Likhti Hai
Mujhe Tum Yaad Kertey Ho
Tumhe Mein Yaad Aati Houn?
Meri Batein Satati Hain?
Meri Neendein Jagati Hain?
Meri Aankhein Rulaati Hain?
December K Sunehri Dhoop Main Ab Bhi Teheltey Ho?
Kisi Khamosh Raste Se
Koye Awaaz Aati Hai?
Kapkapati Sard Raatoun Main
Tum Ab Bhi Chhat Pe Jaatey Ho?
Falak K Sab Sitaaroou Ko
Meri Baatein Sunatay Ho?
Kitaboun Se Tumhare Ishq Main Koi Kami Aayi?
Ya Meri Yaad K Shiddat Se Aankhoun Main Nami Aayi?

Ajab Pagli Si Larki Hai
Mujhay Her Khat Main Likhti Hai

Jawab Mein Uss Ko Likhta Houn
Meri Masroofiyat Dekho
Subah Se Shaam Office Main
Umar Ka Diya Jalta Hai
Phir Uss K Baad Duniya Ki
Kayi Majbooriyan Paaoun Main
Bairi Daal Rakhti Hain
Mujhe Bay-Fikr, Chahat Se Bharey Sapnay Nahi Dikhte
Tehelnay, Jagnay, Ronay Ki Mohlat He Nahin Milti
Sitarooun Se Miley Arsa Hua Naraaz Houn Shayed
Kitaboun Se Shauq Maira Abhi
Waisay He Qayem Hai
Farq Itna Para Hai
Ab Unhein Arsay Main Parhta Houn
Tumhain Kis Ne Kaha Pagli Tumhe Mein Yaad Kerta Houn
K Main Khud Ko Bhulanay Ki Musalsal Justajoo Main Houn
Tumhe Na Yaad Aaney Ki Musalsal Justajoo Main Houn
Mager Yeh Justajoo Meri Bohat Nakaam Rehti Hai
Mere Din Raat Main Ab Bhi Tumhari Shaam Rehti Hai
Mere Lafzoun Ki Her Maala Tumharay Naam Rehti Hai
Tumhe Kis Ne Kaha Pagli Tumhe Mein Yaad Kerta Houn
Purani Baat Hai Jo Log Akser Gungunatay Hain
Unhein Hum Yaad Kartay Hain Jinhen Hum Bhool Jatay Hain

Ajab Pagli Si Larki Hai

Meri Masroofiyat Dekho
Tumhe Dil Se Bhulaoun Tou Tumhari Yaad Aaye Na
Tumhe Dil Se Bhulaney Ki Mujhe Fursat Nahi Milti
Aur Iss Masroof Jeevan Me
Tumahre Khat Ka Ek Jumla
Tumhain Main Yaad Aati Houn ?
Meri Chahat Ki Shiddat Main Kami Honey Nahi Deta
Bohat Raatein Jagaata Hai Mujhay Sonay Nahi Deta
So Agli Baar Apne Khat Main Yeh Jumla Nahi Likhna

Ajab Pagli Si Larki Hai
Mujhe Phir Bhi Ye Likhti Hai
Mujhe Tum Yaad Kartey Ho?
Tumhe Main Yaad Aati Houn ?