Woh Mujh Sey Yeh Nahin Kehti

Woh Mujh Sey Yeh Nahin Kehti
Usey Mujh Sey Mohabbat Hai

Mager woh Aaj Kal Aik Janoon ki Zid Main Rehti Hai
Ajab Aik Bekhudi Hai
jo Usey Bechain Rakhti Hai
Woh Mujh Sey Baat Karti Hai....
Bohat Hi Aam Si, Mosam Ki, Logon Ki
Mehaz Duniya Ki Rasmmo’n Si

Woh Mujh Se Baat Karnay K Bahaney Dhondti Hai Un Hawalon Sey
Samjhti Hai Main Us Ki Aam Si Baton Ko
Buss "Yunhi" Samjhta Hoon
Woh Milti Hai Mujhay Akser Bahano Sey
K Main Guzri Yahan Se, Socha Baat Hi Kar Loon
Samjhti Hai Main Us K In Bahano Ko Na Janoon Ga

Kabhi Jo Phone Karti Hai
To Uski Mohabbat Us K Lehjay Say Jhalkti Hai
Mujhay Bechain Karti Hai
Woh Mera Dhiyan Rakhti Hai

Meri Her Baat Ko Hi Bin_Kahay Woh Jaan Layti Hai
Samjhti Hai Woh Yeh Phir Bhi....!!!
Us Nay Khud Ko Chupa Rakha Hai Khud Hi Se

Mager Akser...!!!
Woh Khud Anjanay Main Apna Yeh Parda Chaak Karti Hai
K Jab Meri Bohat Pehlay Kahi Hue
Her Baat Ko Woh Yaad Rakhti Hai
Aur Unhi Lafzoon Ko Meray Samnay Duhra Bhi Deti Hai
Yun Lagta Hai K...!!!
Us Ne Meri Kahi Her Baat Ko Yaad Rakha Hai
Woh Mujh Se Yeh Nahin Kehti
K Us Ki Khuahish Usko Bohat Bechain Rakhti Hai
Ya Shaid In Dinon Woh Khud Say Bhi Chupati Hai

Mager...!!!
Uski Nighain Akser Usay Nakaam Kartin Hain
K Sarey Jaam Ulfat K Woh Bher Bher Ker Lutati Hain
Woh Darti Hai K Kahin Kho Na Dey Mujh Ko
K Koi Baat Uski Mujh Ko Us Sey Dour Na Ker Dey
Woh Mujh Ko Sochti Hai
Jagti Hai Raat Bher Woh Bhi

Mager Shaid Abhi Usko Mohabbat Main
Khamoshi Say Hi Jalna Hai
K Woh Jab Tak Perh Nahin Leti
Yeh Aankhin Jis Main K Uska Naam Likha Hai

K Meray Laho Ki Gardishon Main Raqs Karti Chahtain Uski
Woh Jab Tuk Paa Nahin Leti
Samjh Nahin Leti, Jab Tuk...!!!
K Main Bhi Gaamzan Hoon
Khamoshi Se Us K Rastey Per

Main Bhi Jagta Hoon...Sochta Hoon Raat Bher Us Ko
Mager Us sey Nahin Kehta...!!!

"Mujhey Us Se Mohabbat Hai"