Wednesday, December 1, 2010

Aj Phir Se Teray Diyaar Main Hoon


Aj Phir Se Teray Diyaar Main Hoon
Yani Phir Teray Ikhtiyaar Main Hoon

Us Kahani Ka Yeh Howa Anjaam
Aj Main Dasht-e-Be-Kinaar Main Hoon

Koi Rasta Dekhayi Deta Nahi
Dhundh Kaisi Hai Kis Ghubaar Main Hoon

Aj Kal Kis Pay Hai Nazer-e-Karam
Main Tu Waisay Bhi Kis Shumaar Main Hoon

Hosh Kaisay Rahay Ga Dil Ko Tera

Main Teray Dard Kay Khumaar Main Hoon

Ek Dunyaa Hai Meray Dar Pay MOHSIN
Aur Main Teray Intizaar Main Hoon

No comments:

Popular Posts