Main Mohabbat Houn

Main Mohabbat Houn

Main saahil pai likhi hoee ibaarat nahi

Jo lehron se mit jaati hay

Main baarish ki barasti boond nahi

Jo baras ker tham jaati hay

Main khwab nahi

Jisai dekha aur bhula dya

Main shama nahi

Jisey phoonka aur bujha dya

Main hawa ka jhonka nahi

Jo aaya aur guzar gaya

Main chand bhi nahi

Jo raat k baad dhal jaye

Main to woh ahsaas hoon

Jo tujh main lahoo ban ker gardish karay

Main to woh rang hoon

Jo teray dil pay charay tuo kabhi na mitay

Main woh geet hoon

Jo teray labon se juda na hoga

Khwab,ibaarat,hawa ki tarah

Chand,boond,shama ki tarah

Meray mitnay ka sawaal nahi

Kyun k Main Tou Mohabbat Houn



_________________