nisaf sadi honay ko aayi

nisaf sadi honay ko aayi
mera ghar aur meri basti
zulm ki andhi agg main jal jal rak main dhaltay ja rahay hain
maray log aur maray bachay
khaboon aur sarboon kay aik jaal main uljhay
kat tay martay ja rahay hain
charoon janab aik lahoo ki daldal hai
gali gali tazeer ke pehray,kocha kocha maqtal hai

aur ya dunya

alamgir taqdees ki pahray dar ya dunya
hum ko jaltay ,kattay martay
daikhti aur chup rehti hai
zoorawar kay zulm saya pal pal lamba hota hai
wadi ki har sham ka chahra khoon main lathra hota hai
lakin ya jo khoon-e-shaeedan ki shamain hain
jab tak in ki looain baqi salamt
jab tak in ki agg farozan
dard ki akhri had pay bhi ya dil ko sahara hota hai
har kali raat ke peechay aik sawera hota hay