Tumhara pyaar mere chaar-suu abhi tak hai

Tumhara pyaar mere chaar-suu abhi tak hai
Koi hisaar mere chaar-suu abhi tak hai

Bichartay waqt jo tum sounp ker gaye thay mujhe
Woh intezaar mere chaar-suu abhi tak hai

Tuu khud hi janay kahein duur kho gaya hai magar
Teri pukaar mere chaar-suu abhi tak hai

Main jab bhi nikla mere paaon chaid dalay ga
Jo khaar-zaar mere chaar-suu abhi tak hai

Main ab bhi girtay paaniyon ki qaid mein hoon
Ik aabshaar mere chaar-suu abhi tak hai

Koi gimaan mujhe tum se duur kaisay karay
Ke aitabaar mere chaar-suu abhi tak hai