na tum mere na dil mera na jan-e-natavan meri
tasavur main bhi a sakti nahin majaburiyan meri
na tum aye na chain aya na maut ai shab-e-vada
dil-e-muztar tha main tha aur thi betabiyan meri
abas nadaniyon par ap apni naz karte hain
abhi dekhi kahan hain ap ne nadaniyan meri
ye manzil ye hasin manzil javani nam hai jis ka
yahan se aur age barhna ae umr-e-ravan meri
No comments:
Post a Comment