Wednesday, May 12, 2010

ye kis khalish ne phir is dil main ashiyana kya

ye kis khalish ne phir is dil main ashiyana kya 
phir aj kis ne sukhan ham se gayebana kya 

gam-e-jahan ho, rukh-e-yar ho k dast-e-udu 
salook jis se kya hamane ashiqana kya

the khak-e-rah bhi ham log qahar-e-tufan bhi 
saha to kya na saha aur kya to kya na kya 

khusha k aj har ik muddai k lab par hai 
wo raz jis ne hamain rand-e-zamana kya 

wo hilagar jo wafaju bhi hai jafakhu bhi 
kya bhi "Faiz" to kis but se dostana kya

No comments:

Popular Posts