Itney Baras Ki Doori Or Mejboori Key
Afsoon-E-Safar Main Lipta Huwa
Ik Shakhs Achanak Aan Mila
Main Us Ko Dekh Ker Shashder Tha
Woh Mujh Sey Sawa Heran Mila!
Yeh Waqt Bhi Kitna Zalim Hey!
Is Hijr Main Kya Kya Roye They Hum
Is Yaad Main Kya Kya Khoye They Hum!
Kuch Der To Donon Chup Sey Rahey,
Phir Us Ney Kaha..... "Tum Kaisey Ho?"
Or Main Ney Kaha.... "Bas Acha Hoon"
Phir Us Ney Kaha,
"Yeh Itney Dinon Key Baad Ka Milna Khoob Raha...!
Koi Purana Dost Miley To Dil Ko Bhala Sa Lagta Hey...
Yeh Sheher To Bilkul Badal Gaya..... Ab Chalti Hoon!"
Phir Main Ney Kaha,
"Main Sham Samey Her Roz Yahan Per Ata Hoon.....
Jab Waqt Miley Tum Aa Jana......
Is Waqt Mujhey Bhi Jaldi Hey....... Ab Chalta Hoon!"
Yeh Waqt Bhi Kitna Zalim Hey!!
No comments:
Post a Comment