samajhaa thaa main mujhe kisii qaabil banaa diyaa
ye kyaa kiyaa ki dard ko phir dil banaa diyaa
Gam ne taGaiyuraat ke qaabil banaa diyaa
jo dard apanii had se barhaa dil banaa diyaa
itane muGaalate diye ummiid-o-biim ne
saahil ko mauj mauj ko saahil banaa diyaa
itanii karii nigaah se dekhaa na kiijiye
har rishta-e-nazar ko rag-e-dil banaa diyaa
ye kyaa banaane vaale tere jii mein aa gaii
bijali banaa rahaa thaa magar dil banaa diyaa
har zarraa rah guzar kaa to hiiraa nahiin'
jis mein salaahiyat thii use dil banaa diyaa
No comments:
Post a Comment