''Aalii'' terii yaad rahii ik arsey tak diivaanoN meN
aise vaHshii kam dekhe jo rah na sakeN viiraanoN meN
apnaa ghar kyaa ghar thaa lekin haaN ik ghar ka naam sa thaa
terii tavajjoh se ab vo bhii, shaamil hai viiraanoN meN
ek tamanna, ek sahaara, ek tasavvur, ek junooN
phir bhii vo mere dil kii baateiN rakhte haiN afsaanoN meN
tajziyaa-e-ehsaas pe har gham hauslaa-e-majrooh mila
lekin ye kyaa aag hai jiska khoj nahiiN armaanoN meN
kaifiyat kii baat alag hai chaaho jis par dil rakkho
ham ko bhii to pyaar se dekho ham bhii haiN insaaoN meN
itnii qadr hu_ii par ab tak unse daad kii Khwaahish hai
itnii umr gaNvaaii ''Aalii'' phir bhii rahe naadaanoN meN
No comments:
Post a Comment