dil kii baateN kisii haNsiiN se kaheN
par kaheN bhii to kis yaqiiN se kaheN
barf sii jam rahii hai hoToN par
kiske ruKhsaar-e-aatishiiN se kaheN
har jagah hai too is fasaane meN
too jahaaN se kahe, vahiiN se kaheN
ham to samjhaa ke haar baiThe haiN
aap hii kuchh dil-e-hajiiN se kaheN
aaNsuoN kii kahaaniyaaN ai ''Taaj''
kab tak apnii hii aastiiN se kaheN
No comments:
Post a Comment