Kabhi to laut kar aao

Kabhi to laut kar aao

Mujhe bas itna samjhao

Kahan se seekhh li tum ne

Ada mujh ko bhulany ki

Tumhen mujh se shikwa tha,

Ya koi bhi shikayat thi,

Zehmat to zara si thi

Na koshish ki batane ki

Bhala yun chor kar apna,

Koi apno ko jata hai

Musalsal dukh ki barish mein

Jeevan bhar rulata hai

Abhi bhi rait geeli hai

Abhi sab naqash baqi hain

Gaey qadmon pe laut aao

Mujhe bus itna samjhao

Kahan se seekhh li tum ne

Ada mujh ko bhulany ki

_________________