Friday, December 3, 2010

Titliyaan Konplain Rung-o-Bu Aur Tu


Titliyaan Konplain Rung-o-Bu Aur Tu,
Chaandni Shaaeri Ye Sabuu Aur Tu,

Daaman-e-Koh K Manzar-e-Khawb Mein,
Roshni Ho Mere Chaar'Su Aur Tu,

Sandli Sandli Khaamshi Aur Main,
Makhmali Makhmali Guftgu Aur Tu,

Ess Taraf Ishq Ki Tashnagi Aur Main,
Uss Taraf Husan Ki Aab-e-Ju Aur Tu,

Jis Taraf Dekhiay Aur Kuch Bhi Nahin,
Sirf Main Aur Main, Sirf to Aur Tu.

No comments:

Popular Posts