Ye aarzoo hai kay jab bhi galay lagaon usay
Hisaar-e-zaat se baahar nikaal laon usay
Woh aj raha tha kadi dhoop ki tamazat mein
Mila jo ab tou urhahonga apni chaaon usay
Ye ishq bhi hai ajab imtihaan-e-ahad-e-vafaa
Woh aazmaaye mujhe aur main aazmaaon usay
Woh shahar shahar-e-chiraaghan sahi magar ik din
Hawayein yaad dilayengi apna gaaon usay
Woh apnay khwaab mein shayad mujhay ko dekhta ho
Main tishna lub sahi sotay mein kya jagaon usay
No comments:
Post a Comment