Aik chaand tanha khara tha
Mere asmaan se zara parey
Mere saath saath saafr mein tha
Meri manzilon se zara parey
Meri justaju kay hisaar sey
Tere khwaab, tere khayal sey
Main woh shukhss tha jo khara raha
Teri chahtoon se zara parey
Kabhi dil ki baat kahii na thi
Jo kahi tu woh bhi dabi dabi
Mere lafz poorey tu thy magar
Thy sam'atoon sey zara parey
Tu chala jayega mere dost
Zara dekh mourr kay tu ik nazar
Meri kashtiyan hain jali huwi
Tere sahil'oon sey zara parey
No comments:
Post a Comment